大象传媒

Yna i ddiweddu'r noson, perfformiad arbennig gan Meic Stevens gyda Heather Jones yn canu llais cefndir. Roedd safon arbennig o uchel i waith offerynnol grwp Meic, yn arbennig felly Billy Thompson a swynodd pawb gyda'i feistriolaeth o'r feiolin.

Cafodd plant a ieuenctid hwyl yng ngweithgareddau Theatr Ieuenctid M么n fore a phrynhawn Sadwrn a bu'r peintwyr wynebau yn brysur iawn yn Neuadd y Dref.

Ar brif lwyfan yr Wyl cafwyd perfformiadau da brynhawn a nos Sadwrn.

Gwnaeth Baldande o Gaerfyrddin argraff gyda'u caneuon gwerin/roc bywiog ddiwedd y prynhawn, cyn i'r Wyl dynnu at ei therfyn trwy gyfres o berfformiadau cryf gan Paccino, Bysedd Melys, Estella, Crasdant, Mim Twm Llai a Celt.

Roedd y dyrfa o flaen y llwyfan yn bownsio i ganeuon cyhyrog Mim Twm Llai a Celt.

Bydd gwaith paratoi at Wyl 2003 yn cychwyn yn fuan. Mae Gwyl Cefni yma i aros ac yn rhan bwysig o galendr digwyddiadau M么n.

Dylan Morgan