大象传媒

Oherwydd rheolau symud stoc roedd hi'n anodd cynnal y cystadlaethau arferol ond diolch i Mr Wil Evans, roedd hi'n bosib defnyddio defaid oedd ar y cae yn barod ar gyfer y cneifio a darparu oen ar gyfer sioe.

"Peth braf eleni yw gweld clwb newydd wedi cychwyn ym Mryngwran", meddai Dyfnallt Huws, Cadeirydd Hyfforddiant y Mudiad.

"Mae'r clwb dan arweiniad Mr Martin Williams wedi cael llwyddiant yn y Rali ac yn edrych ymlaen at fynd i Lanelwedd."

Ar derfyn diwrnod o gystadlu brwd roedd y canlyniadau fel hyn:
1af. Bodedern;
2ail. Penmynydd;
3ydd. Llangefni a Rhosybol;
5ed. Llangoed;
6ed. Dwyran;
7fed. Bryngwran.

Roedd Arwel Hughes, Cadeirydd y Mudiad wrth ei fodd "Mae diwrnod y Rali yn uchafbwynt cystadlu'r flwyddyn gyda phob Clwb eisiau buddugoliaeth ac mae eleni'n arbennig iawn gan fod Bodedern, Nghlwb i, wedi curo eto!"

Yn 么l Llywydd y dydd, Mr Iestyn Pritchard, roedd hi'n bwysig cymryd pob cyfle a mwynhau gweithgareddau di-ri y Mudiad.

"Y Rali yw uchafbwynt y flwyddyn ac er bod cystadlu brwd drwy'r flwyddyn, y Rali mae pob Clwb eisiau ei ennill," meddai Elen Jones, Trefnydd y Sir.

"Bydd pawb sydd wedi ennill yn mynd i lawr i Lanelwedd i gynrychioli'r Sir".

"Rydym yn edrych ymlaen rwan at ddatblygu mwy ar y Mudiad a cheisio dangos i bobl ifanc nad oes rhaid byw ar fferm cyn ymaelodi!", medd Arwel Hughes, Cadeirydd y Sir. "Bydd y gwaith o godi canolfan ar safle Sioe M么n yn dechrau'n fuan a chawn gyfle i ehangu'r maes hyfforddiant."