Mae enwau'r athrawon o Gymru fydd yn dysgu ym Mhatagonia y flwyddyn nesaf wedi'u cyhoeddi.
Bydd Clare Whitehouse ) o ardal Wrecsam sy'n athrawes yn ei hen ysgol yng Nghastell Alun yn aros yn Esquel a Threvelin am flwyddyn arall.
Bydd Gwenith John, Bow Street, Aberystwyth yn mynd yn athrawes i'r Gaiman a'r dyffryn uchaf.
Bu Gwenith yn ddisgybl yn Ysgol Rhydypennau ac Ysgol Penweddig ac yn dysgu yn Ysgol Gwenlli, Synod Inn, Ceredigion.
Bydd Elin Haf Rhys, Caerdydd, yn mynd yn athrawes i Drelew, y dyffryn isaf a Madryn. Ar hyn o bryd mae'n athrawes yn Ysgol Gyfun Cwm Rhymni. Bu'n ddisgybl yn Ysgol Bod Alaw, Bae Colwyn ac Ysgol y Creuddyn, Bae Penrhyn ger Llandudno.
|
