Daeth nifer dda o rieni ynghyd i wrando ar gyflwyniad ELWa ar yr Opsiynau sydd ganddynt ar gyfer addysg 16+ ym Mro Ddyfi. Roedd y rhieni yn frwd dros Opsiwn 3 yn hytrach na'r opsiynnau eraill. Jim O'Rourke a lywiodd y drafodaeth ar 么l cyflwyniad Mr Robin Beckmann, ac fe godwyd lawer o bwyntiau trafod diddorol.
Dywedodd Lis Puw, Pennaeth Ysgol Bro Ddyfi, ei bod yn falch iawn o'r cyfle mae Opsiwn 3 yn ei gynnig i ehangu ar yr addysg 么l-16 ac hyfforddiant ac addysg i oedolion y cylch. Teimlai y byddai Opsiwn 1 (sy'n golygu cau Chweched Dosbarth yr ysgol) yn mynd 芒 chyfle am addysg allan o'r ardal; byddai Opsiwn 2 yn golygu gosod sefydliad addysgol arall yn gyfochrog ag Ysgol Bro Ddyfi ac yn ddibynnol i raddau helaeth iawn ar brynu mewn arbenigedd athrawon yr ysgol.
Ond byddai Opsiwn 3 yn ehangu'r ddarpariaeth sydd ar gael yn y fro ac yn y dre ar gyfer oedolion a phobl ifainc. Mae'r hyn sydd yn cael ei gynnig gan yr ysgol ar hyn o bryd yn siwtio pobl ifanc academaidd yn wych, meddai. Cyfeiriodd at y ffaith mai Ysgol Bro Ddyfi oedd yr ysgol ail orau yng Nghymru y llynedd o ran canlyniadau Safon A, gyda hanner y graddau naill ai yn "A" neu yn "B".
Ond cytunai y dylai'r ysgol adeiladu ar hyn a chynnig addysg hefyd i bobl ifanc ac oedolion sydd yn dymuno hyfforddiant ac addysg mwy alwedigaethol ei natur.
"Rydym yn gweithio efo Coleg Meirion Dwyfor ar hyn o bryd ac yn cynnig Technoleg Gwybodaeth mewn partneriaeth gyda nhw. Rydym yng nghanol trafodaethau efo nhw i weld sut mae cynnig amaethyddiaeth ar y cyd - gyda'r bobl ifanc yn gwneud y gwaith papur yn yr ysgol ac yn treulio cyfnodau yng Nglynllifon i wneud y gwaith ymarferol. Mae hyn yn ddatblygiad cynhyrfus ac yn ateb y galw gan bobl leol am addysg i gwrdd 芒'u hanghenion heb iddynt orfod gyrru pobl ifanc ffwrdd o gartref am gyfnodau maith."
Ychwanegodd, "Mae'n bwysig bod addysg ac hyfforddiant yn ymateb i'r angen a'r galw lleol. Ym mro y Ddyfi, mae amaethyddiaeth yn bwysig iawn, ond mae twristiaeth, busnes, arlwyo a thechnoleg hefyd yn bwysig i bobl yr ardal. Dylai'r addysg a'r hyfforddiant fod ar gael yn lleol, yn hytrach na bod pobl yn gorfod teithio ymhell. Byddai Opsiwn 3 yn golygu bod y trefnu yn digwydd mewn un man canolog, mewn adeilad newydd ar safle'r ysgol, mwy na thebyg. A byddai llawer o'r dysgu i hefyd yn digwydd yno, yn ogystal ag yn y mannau traddodiadol megis dosbarth nos yn y pentref'.
Dywedodd ei bod yn teimlo brwdfrydedd mawr yn yr ardal. Mae diddordeb mawr gan ddisgyblion TGAU eleni i ddod i'r Chweched Dosbarth, ac mae'r ysgol eisoes yn symud ymlaen i ddarparu addysg alwedigaethol yn ogystal ag
addysg academaidd traddodiadol i bobl ifanc dros 16. "Dim ond cam naturiol yw ehangu ar hwn a darparu cyfleoedd i oedolion hefyd dderbyn addysg ac hyfforddiant," meddai.
Mae yna bynciau eraill y gallai Coleg Meirion Dwyfor a Choleg Powys a
darparwyr eraill ddod yma i'w roi i aelodau'r Chweched Dosbarth ac i
cedolion yn y cylch. Byddai'n gwneud synnwyr bod un canolfan yn gwneud y trefniadau, meddai.
Yn y cyfarfod fe wnaeth gywiro un peth sy'n cael ei ddweud gan ELWa, sef mai 14 o bynciau Safon A a gynigwyd yn 2004. Mewn gwirionedd roedd yr ysgol wedi cynnig 20 o bynciau yn 2004. Erbyn hyn mae 23 o bynciau 'A' yn cael eu cynnig - mwy na Phenweddig a Phenglais, a dim ond un yn llai na Choleg Meirion Dwyfor. Mwy na hyn, gall athrawon yr ysgol ddysgu pob pwnc yn y ddwy iaith, gan gynnwys Mathemateg, Ffiseg, Cemeg a Bywydeg - darpariaeth sydd yn brin iawn hyd yn oed yn yr ysgolion Cymraeg penodedig.
Mae llawer o fygythiadau ar Fachynlleth - mae'n dre ac yn ardal ar y groesffordd. Mae nifer o lefydd pwysig yn cau a gwaith yn mynd o'r ardal. Mae hyn yn cael effaith ar fusnesau yn y dre ac ar y boblogaeth. Mae Opsiwn 3 yn cynnig rhoi rhywbeth gwerthfawr i'r ardal am newid.
Gorffennodd trwy ddweud; "Rydyn ni'n cael ein gweld yn awr fel ysgol sydd yn llwyddo, yn ysgol sydd yn anelu at safonau uchel. A gall hyn ddim ond gwella os gawn ni Opsiwn 3. Yn barod, mae pobl ifanc o du allan i'r dalgylch eisiau dod atom - ac mae croeso cynnes yn eu haros yma. Os daw Opsiwn 3, bydd adeilad pwrpasol, modern gyda'r offer dechnegol i helpu dysgu, llyfrgell a lle braf i'r bobl ifanc weithio ac ymlacio yn gwneud yr ysgol hyd yn oed yn fwy deniadol fel man canolog i dderbyn addysg - a bydd llwyddiant yn magu llwyddiant."
听
