|
Enw'r gystadleuaeth ydy Feile Filiochta, Cystadleuaeth Farddoniaeth Ryngwladol. Llongyfarchiadau mawr i Rhydian ar ei gamp yn ennill y wobr gyntaf a dyfarniad arbennig y Feile Filiochta am ei gerdd 'Ysgol'. Y gerdd fuddugol: Ysgol
Rhifau fel defaid ar hyd y lle
Adio a thynnu a dwn i ddim be'
Symiau yn sgrechian, ffracsiynau'n un rhes,
Degolion a chanran a phunnoedd a phres.
Rhaid rhannu yn hir
Does gen i ddim syniad
Am faths deud y gwir. Brawddegau yn llifo ar bapur gwyn
Cynghanedd yn clecian ac odlau yn dynn,
Berfau yn dripian fel diferion dŵr,
Ansoddair, rhagenw a threiglo siŵr.
Atalnod yn fa'ma.
Gofynnod fan draw?
Idiomau fel cyrins,
Mae'n iaith ar y naw. A dyna ichi flas ar fy niwrnod i
Yn gaeth yn yr ysgol tan wedi tri. Cynhelir y gystadleuaeth dan nawdd Llyfrgell Dun Laoghaire, Dulyn, ac mae gwobr i gerddi Cymraeg a chwech arall i gerddi mewn chwe iaith Ewropeaidd arall. Y llynedd daeth y wobr gyntaf a'r ail i ddisgyblion o Ysgol y Berwyn ac fe gyhoeddwyd eu cerddi yn Pethe Penllyn.
 |
Ìý
