|
Eleni mae apêl wedi ei lansio i dalu am waith cynnal a chadw hollol angenrheidiol ar y gofeb ac ar y railings o'i chwmpas gan gynnwys y giatiau a'r darnau sy'n cysylltu'r gofeb â'r capel. Mae'r gwaith wedi ei ymddiried i'r cwmni a ailgododd y tŵr yn gynharach eleni, sef Chester Masonary o Benarlâg. Fel y sylwodd llawer ac fel y mae'r llun yn ddangos, y cam cyntaf oedd rhoi sgwriad go dda iddo mewn dull sydd wedi bodloni'r cyrff cadwraethol. Yn dilyn hyn aeth arbenigwr o'r cwmni ati i dynnu enw Thomas Charles i ffwrdd o'r gofeb - roed llythrennau ei enw mewn plwm ac fel pob plwm, yn araf yn dirywio oherwydd yr elfennau. Ond mae'r amlinell wedi ei dorri i'r marmor i'w weld yn eglur o hyd. Bydd plwm newydd yn cael ei lunio i lenwi'r bylchau yma. Y cam nesaf wedyn yw ceisio llenwi'r craciau sydd ym môn y gofeb, ac yn olaf, adnewyddu'r railings. Mae'r gronfa wedi pasio'r £10,000 gydag ychydig o ffordd i fynd eto. Derbynnir rhoddion yn ddiolchgar ac fe all unigolion sy'n talu Treth Incwm helpu ymhellach trwy Rodd Cymorth sy'n codi pob £1 yn £1.28. Cysylltwch â swyddogion Tegid.
 |
Ìý
