大象传媒

Ganwyd Delma ym mhlwyf Cilmaenllwyd yn Sir Gaerfyrddin y ferch ieuengaf i Ben a Phoebe Thomas. Pan yn bedair oed symudodd y teulu rhyw filltir ochr arall i'r Afon Taf i bentref bach Glandwr yn Sir Benfro, wrth droed Mynyddoedd y Preseli. Cafodd ei haddysg cynradd yn ysgol Glandwr ac yna aeth ymlaen i gael ei haddysg Uwchradd i Ysgol y Preseli. Roedd Ysgol y Preseli yn ysgol newydd sbon y pryd hynny a Delma a'i ffrindiau oedd y disgyblion cyntaf i fynd drwy'r ysgol.

Cafodd ei dylanwadu gan athrawon arbennig fel Desmond Healy ac Alun Tegryn Davies. James Nicholas oedd y prifathro ar y pryd ac fe fu yntau hefyd yn ddylanwad mawr arni. Ar 么l gadael Ysgol y Preseli aeth ymlaen i Goleg Addysg Abertawe i dderbyn hyfforddiant i fod yn athrawes. Mati Rees ac Emyr Jones oedd rhai o'r darlithwyr a adawodd argraff ar ei bywyd.

Dechreuodd ei gyrfa ym Maldwyn yn 1967 pan gafodd ei hapwyntio yn athrawes yn Ysgol Clatter. Bu yn dysgu yno am bedair blynedd o dan ofalaeth y brifathrawes Elsie Morgan. Pan yng Nghlatter datblygodd ei diddordeb mewn gweithgareddau yn ymwneud ag Urdd Gobaith Cymru ac fe fu yn ysgrifenyddes Cylch Bro Ddyfi am tua pymtheng mlynedd. Yn 1971 symudodd Delma i Ysgol Caersws lle bu'n dysgu am bedair blynedd ar bymtheg.

Yn nechrau'r nawdegau newidiodd gwrs ei gyrfa ac fe ymunodd 芒 th卯m Athrawon Bro Powys. Dysgu Cymraeg fel ail iaith wedyn am ddwy flynedd ar bymtheg mewn gwahanol ysgolion yng Ngogledd Powys.

Nid mewn dosbarthiadau yn yr ysgol yn unig y mae Delma wedi bod yn weithgar. Dros y blynyddoedd, bu yn arweinydd brwdfrydig y Clwb Ieuenctid yn y pentref. Bu'n cynnal dosbarthiadau nos yn dysgu Cymraeg i oedolion yng Nghaersws a Llanidloes am nifer o flynyddoedd. Bu hefyd yn Swyddog Datblygu rhan amser i CYD ym Maldwyn. Ar hyn o bryd Delma ydy ysgrifenyddes Rhanbarth Maldwyn o Urdd Gobaith Cymru yn trefnu pum Eisteddfod bob blwyddyn ar gyfer yr ieuenctid.

Mae hefyd yn gwneud llawer o waith gwirfoddol yn y pentref ac yn aelod brwdfrydig o nifer o sefydliadau yn y pentref.

Un o uchafbwyntiau ei gyrfa fel athrawes oedd cael ei hanrhydeddu gan y Teaching Awards Council a chael tystysgrif anrhydedd wedi ei gyflwyno iddi gan Jane Davidson o'r Cynulliad mewn seremoni arbennig yn Neuadd y Ddinas Caerdydd ddwy flynedd yn 么l.

Yn 么l Delma y ddau beth mwya' pwysig yn ei bywyd na all ddychmygu byw hebddynt ydy'r iaith Gymraeg a Cherddoriaeth. Wel fe fydd amser nawr i fwynhau llawer mwy o'r pethau hyn.