|
Tair blynedd yn 么l ar ddydd Sul braf, aeth aelodau a ffrindiau Capel Bethel, Y Drenewydd ar bererindod i Soar y Mynydd. Tra roeddem yno, gwahoddwyd ein Gweinidog, y Parchedig Edwin Hughes i ddod yn 么l i Soar y Mynydd dydd Sul, Medi 30ain, 2007. Ymddangosai'n amser hir i aros ond wir, carlamodd yr amser, tyfodd yr ofalaeth ac aeth dros hanner cant o gefnogwyr i'r capel bach i wrando ar bregeth y Parchedig Edwin Hughes.
Cychwynnwyd o'r Drenewydd am hanner awr wedi naw y bore gan godi pobl i fyny bob cam i Langurig. Pawb 芒'i bicnic yn ei law a doedd dim angen ymbarel na chot law. Cafwyd siwrnai gyfforddus gyda dwy stop gysur a Mr Jarvis yn ein llywio'n ofalus ar hyd y ffyrdd culion. Bwytawyd y picnics ac i'r capel ni 芒 oedd yn orlawn erbyn dau o'r gloch. Cafwyd pregeth rymus a phwrpasol gan Mr Hughes ac roedd y canu cynulleidfaol yn hyfryd.
Wedi cymdeithasu a sgwrsio tu allan i'r capel , ymlaen 芒 ni i Aberystwyth a swper blasus yn Llety Parc. Ymddangosodd y paragraff yma yn rhifyn Ceredigion o'r Cambrian News yn ddiweddar.
Cawsom oedfa fendithiol iawn y Sul diwethaf o dan ofal y Parch Edwin O Hughes, Y Drenewydd. Roedd y capel yn llawn gyda bws o aelodau wedi dod gyda'r cennad o wahanol eglwysi o dan ei ofalaeth a llawer eraill o bell ac agos. Croesawodd John Jones, Nantllwyd y cennad a phawb oedd yn bresennol. Chwaraewyd yr allweddellau gan Sally Rees, Llanddewi Brefi. Disgwylir Delyth Morgans, Bwlchyllan i wasanaethu y Sul nesaf. Bydd y Parchedig Edwin Hughes ar ei ffordd i Soar y Mynydd eto gan iddo gael gwahoddiad i fynd yno i wasanaethu yn 2010.
Roedd pererindod yr ofalaeth newydd yn fwynhad pur ac edrychwn ymlaen i fynd unwaith eto.
Pererindod pobl Cwmdu i Soar y Mynydd
 |
听
