´óÏó´«Ã½

Roedd hefyd yn nodi dechreuad cyfres o ddigwyddiadau yn y dref ac yng nghoedwig Gwydr yn ystod y misoedd nesaf.

Mae Megan a Mari yn gweithio ar brosiect a elwir yn 'Llwybr y Ceirw'. Maent wedi eu comisiynu gan grŵp cymunedol 'Cymru, Lloegr a Llanrwst' i gynhyrchu gwaith celf cyfoes er mwyn dathlu hanes cyfoethog ac amrywiol Llanrwst.

Datblygodd y syniad i osod y tywyrch gwair ar y sgwâr wrth i'r ddwy artist gael eu swyno gan y ffaith fod trigolion Llanrwst, yn anterth gwrthryfel Glyndŵr' yn yr 1440au, wedi ffoi o flaen fflamau'r dref a cheisio lloches yn y goedwig.

Roedd y dref yn wag am gyfnod mor hir fel y tyfodd gwair ar y sgwâr gan ddenu ceirw o'r goedwig yno i bori!

Eglurodd Megan "Roedd gennym ni awydd mawr i ddangos y cysylltiadau rhwng y dref â'r goedwig, ac i ymchwilio i ddigwyddiadau hanesyddol yn ystod cyfnod y prosiect. Rydw i bob amser yn hoffi'r syniad o gyfuno pethau cyferbyniol, ac felly roedd yn teimlo'n iawn i ddod â deunyddiau naturiol i'r dref, ac i orchuddio'r sgwâr efo gwair."

Ychwanegodd Mari "Rydym hefyd yn edrych ymlaen at wneud gwaith a fydd yn rhoi cipolwg ar hen gymeriadau fel Dafydd ap Siencyn, a oedd yn Robin Hood o gig a gwaed. Roedd o'n byw mewn ogof uwchben Llanrwst.

"Ond roeddem ni hefyd eisio cynhyrchu gwaith sydd yn ymwneud â thrigolion Llanrwst heddiw, gan eu bod nhw yr un mor ddiddorol.

"Mae'n bwysig i ni fod y gwaith yn golygu rhywbeth i bobl a'i fod yn adlewyrchu'r diwylliant lleol."

Gofynnodd Cymdeithas Cymru, Lloegr a Llanrwst hefyd i'r artistiaid gynllunio llwybr cerfluniau a fydd yn dechrau yn y dref ac yn arwain i'r goedwig.

Mae Megan a Mari wedi bod yn brysur yn meddwl am ystod eang o waith cerfluniol, a bydd y gwaith o lunio'r llwybr cerfluniau yn dechrau ym mis Hydref.

Mi fydd mwy o ddigwyddiadau yn cael ei cynnal yn ystod yr Hydref, ac mi fydd y ddwy artist yn cymryd rhan yn Helfa Gelf.

Am fwy o fanylion cysylltwch â Sian Emlyn ar 01492642357.